Басшының құттықтау сөзі

direct

Құрметті келушілер!
Астана қаласы Мемлекеттік мұрағатының сайтына келгеніңізге қуаныштымыз!

Біздің парақшамызға кіре отырып, сіз мұрағаттың тек өткен кезеңнің баға жетпес құжаттарын сақтайтын ғана емес сондай-ақ, даму үрдісі жүріп жатқан орын екенін біле аласыз. Біздің ұжымға жастар көптеп қосылуда, еліміздің мұрағаттарымен қатар алыс және жақын шет елдермен де байланысымызды кеңейтудеміз. Біздің қымбатты достарымыз, сіздер құжаттарға қиындықсыз қол жеткізулеріңіз үшін, ақпаратты қағаз жүзінен жаңа электронды форматқа көшірудеміз. Біздің сайтымыздан өздеріңізді қызықтырған ақпаратты аласыздар деп ойлаймын.
«Астана қаласы Мемлекеттік мұрағаты» ММ ұжымы Сіздерге ашық аспан, зор ден-саулық, табыс және есендік тілейді!

Құрметпен,
«Астана қаласы Мемлекеттік мұрағаты» ММ
Директоры
Баймағанбетова Балқия Советқызы

Азаматтарды қабылдау уақыты:

Сейсенбі, Жұма – сағат 15.00-16.00

2018 жылғы 16 қаңтарда Астана қаласының Мемлекеттік мұрағатында мұрағат қызметіне өмірінің ондаған жылдарын арнаған мұрағатшы Омарова Дәметкен Николаевнаның мерейтойымен құттықтау салтанатты рәсімі өтті

Ww6qhyhLGB4

Мұрағат басшылығы және ұжымы  Д.Н.Омароваға көпжылдық еңбек сіңіргені үшін құттықтау тілектер айтып, алғыс білдіріп, құнды сыйлық пен гүлшоғын ұсынды.

Даметкен Николаевна мұрағат саласында 1984 жылдан бастап 30 жылдан астам уақыт жұмыс істейді. Астана қаласының Мемлекеттік мұрағатында 2003 жылдан бері қызмет атқарып келеді. Оның еңбек жолын баяндау көптеген жылдар бойы қызметтес ұжыммен қатар, жас қызметкерлерге де қызықты болды. Көпжылдық қажырлы еңбегі үшін Даметкен Николаевна мұрағат басшылығы, мұрағаттар және құжаттама басқармасы, қала басшылығы, Қазақстан Республикасының Мәдениет Министрлігі тарапынан бірқатар құрмет грамоталары, мерейтойлық медальдармен марапатталды. Д.Н. Омарова «Лучшие люди» энциклопедиясының Батыры  Құрметті белгісіне, «Мәдениет саласының үздігі» белгісіне ие болды. Қазіргі уақытта Даметкен Омарова – мұрағат ісінің ардагері, көптеген мұрағатшылардың ұстазы, жаппай құрмет пен бедел иесі. Даметкен Николаевна мұрағат қызметіне шексіз берілген, астананың мұрағат ісіне өз үлесін қосқан тұлғаның жарқын үлгісі болып табылады.

15 қаңтар күні Астана қаласының № 10 мектеп-гимназиясында 7 «г» сынып оқушыларына құжаттарды жариялау және пайдалану бөлімінің мұрағатшысы Елена Кулакова «Рухани жаңғыру» жалпыхалықтық бағдарламасын дамыту барысында «Жайнай бер, Астана», «Цвети, Астана» атты дәріс өткізді

slcLvc2pbHw

Астана қаласының Мемлекеттік мұрағат қоры – маңызды мәдени, тарихи, ұлттық ресурстық мәліметтердің бірі болып табылады және қоғамның әлеуметтік-мәдени және экономикалық дамуына ықпалын тигізетіні сөзсіз.

Дәріс Ақмола бекінісінің  19-21 ғасырлардағы уезд, округ, губерния, қала, аймақ, астана болып  құрылуы мен дамуы тарихынан сыр шертетін мұрағаттық материалдар негізінде жасалды. Республиканың астанасын көшіру туралы шешімнің маңызды тарихи мәні болды.Оқушылардың басты назары Ақмола арнайы экономикалық аймағын құруға бағытталған іс-шаралар, жаңа Астананың салынуы, елордамыздағы ірі масштабты оқиғаларды өткізу, Президент Н.Назарбаевтың астана тарихындағы рөліне бағытталды. Дәріс барысында «Астана: өткені, бүгіні» атты видео фильм қойылды.

Дәріс үстінде оқушылар астана тарихына байланысты сауалдарын қойып, толық жауап алып отырды. Дәріс соңында сынып жетекшісі Аусагитова Майим Сәркенқызы және оқушылар алғысын айтып, Астана қаласының Мемлекеттік мұрағатының белсенді зерттеушісі болуға даяр екендігін білдірді.

3 қаңтарда 2018 жылы «Рухани жаңғыру» бағдарламасы аясында Қазақ Ұлттық өнер университетінің құжаттарды жариялау және пайдалану бөлімінің басшысы Бақыт Балтабаева «Алаш арыстары» атты дәрісті университет қызметкерлеріне оқыды

шабыт

Дәріс Омбы облыстық тарихи мұрағатынан әкелінген ХІХ-ХХ ғғ. тарихи және мұрағаттық құжаттар негізінде құрастырылған. Оның ішінде: ХІХ ғасырдың ортасында – ХХ ғасырдың басында Санкт-Петербург қаласындағы Императорлық университетте оқыған қазақ студенттерінің жеке құжаттары, 1917 жылғы 5-13 желтоқсанда Орынбор қаласында өткен Бүкілқазақтардың съезінің хаттамалары және т.б.

Кездесу пікір алмасу ретінде өтті.  Қазақ Ұлттық өнер университетінің өкілдері кездесу барысында тақырып бойынша сұрақтарын қойды және оған құжаттық  куәландыратын деректермен жауаптарын алды.

2018 жылғы 4 қаңтарда Астана қаласының Мемлекеттік мұрағатында Қазақстан Республикасы Парламенті Мәжілісінің депутаты, Халықаралық істер, қорғаныс және қауіпсіздік жөніндегі комитетінің мүшесі Михаил Владимирович Чирковпен кездесу өтті

DSC_0414

Кездесуде «НұрОтан» партиясының Сарыарқа ауданы бөлімшесі төрағасының бірінші орынбасары Әлімғазина Б.А., Астана қаласының Мемлекеттік мұрағатының қызметкерлері қатысты.

Кездесу барысында депутат Чирков М. В. мұрағат жұмысының негізгі бағыттарымен танысты, басқарушылық, ғылыми-техникалық, аудиокөрнекілік, партиялық-комсомолдық, жеке құрам және жеке шығу тегі бойынша құжаттар сақталған мұрағаттық сақтау қоймаларын қарап шықты. Сонымен қатар, елорданың Алматы қаласынан Астана қаласына көшірілуі жөніндегі экспозиция құрылған көрме залымен танысты, оған қоса, ғылыми-зерттеу жобалармен, диссертациялармен жұмыс істеуге мүмкіндік беретін оқу залымен танысты.

Чирков М. В. мұрағатта сақталған құжаттардың тарихи-мәдени, деректі құндылығына ерекше назар аударды, олардың қоғамдық қызығушылық тудырып, тарихты танып-білу үшін құжаттарды пайдалану мүмкіндігін атап өтті.

Әңгіме процесінде мұрағат қызметкерлері «Рухани жаңғыру» бағдарламалық мақаланы жүзеге асыру барысы, мұрағаттың қол жеткізген жетістіктері мен болашақтағы жоспарлары туралы сөз қозғады.

Депутат белгілі бір шешімдерді қажет ететін проблемалық мәселелерді талқылауға ерекше көңіл бөлді.

Әңгіме соңында Чирков М. В. мұрағаттың алға қойған міндеттерді іске асыру жөнінде кеңестер берді және мұрағаттың ұжымына адал еңбектері үшін алғысын білдірді.

2017 жылғы 22 желтоқсан күні Сарыарқа ауданының жеке құрам жөніндегі бөлім басшысы Исмадиева Разия Амангелдіқызы мұрағат қызметкерлеріне «Целиноградтяжстрой» тресі» атты құжаттық көрме және дәріс өткізді. Мұрағат қызметкерлері назарына тресттің құрылу мен қызметінің қысқаша тарихы ұсынылды

BiG86oL3KjA

«Целиноградтяжстрой» тресі 1972 жылғы 20 қарашадағы Қазақ КСР-нің ауыр индустрия кәсіпорны құрылысы Министрлігінің № 105-ОС және 1973 жылғы                     2 қаңтардағы «Целиноградстрой» мен  «Целиноградпромстрой» трестерін біріктіру туралы № 2 бұйрығы бойынша  1973 жылдан бастап құрылды.

«Целиноградтяжстрой» тресі территориялық типтегі кәсіпорын болып табылады және 13 ұйым, кәсіпорын және мекемелерден құралған (Проммашстрой, Проминдустрой, Жилстрой т.б. құрылыс басқармалары)

Трест жанында құрамында 13 адам бар президиум басқарған Ғылыми-техникалық кеңес жұмыс істеді.

Жұмыстағы жетістіктерге жеткені үшін қызметкерлер «КСРО-ның ауыр индустрия Министрлігінің социалистік жарыс үздігі», «9-шы бесжылдықтың екпіндісі» белгілерімен, «Қазақ КСР-нің еңбек сіңірген құрылысшысы» т.б. атақтарға ие болды, құрмет грамоталарымен марапатталды, тресттің құрмет тақтасы мен құрмет кітабына енгізілді.

Трест тұрғын үйлер, ауруханалар, балабақшалар, мектептер салды, сонымен қатар қаланың қоғамдық өміріне белсенді араласты. Трест жанында жасақталған студенттік құрылыс отрядтары «Степняк», «Заречный», «Воздвиженский» т.б. кеңшарлардағы құрылыс объектілерін салуға тартылды.

Трестте әр жылдары Мамин Асқар Ұзақбайұлы, Мещеряков Николай Ильич, Лютов Владимир Викторович, Героев Салман Сайдарович т.б. еңбектенді. 1993 жылғы 29 желтоқсанда «Целиноградтяжстрой» «Ақмоластрой» акционерлік қоғамы болып қайта құрылды.